زيارة بنفس اليوم داخل عمّان★ ٥٫٠ على جوجل — ١٩ تقييماً0780651640
المكيّف شغّال بس ما عاد يبرّد متل قبل؟ أو عم ينقّط مي على الحيط؟ معظم مشاكل التبريد الضعيف بعمّان سببها اتساخ وليس نقص غاز — وبنقلّك الفرق قبل ما ندفعك تدفع تعبئة ما إلها لزوم.
السبب الغالب: فلاتر الوحدة الداخلية متّسخة، أو ملف الوحدة الخارجية مغطّى بالغبار — وغبار عمّان بيعمل هاد بسرعة. التنظيف لحاله بيرجّع نسبة كبيرة من كفاءة التبريد. بعدها بيجي نقص الغاز، وهاد دايماً بيعني تسريب — المكيّف نظام مغلق وما بيستهلك غاز.
السبب الغالب: مجرى تصريف المي مسدود بالوسخ أو الطحالب، فالمي بترجع وبتفيض من الطشت. تسليك المجرى إصلاح بسيط. بعدها بيجي ميلان التركيب الغلط، أو تجمّد الملف بسبب فلتر مسدود أو نقص غاز.
الوحدة الداخلية بتنفخ هوا بس مش بارد. السبب الغالب: المكثّف (الكباستور) — قطعة رخيصة نسبياً وبتخرب كثير مع تقلّبات الكهرباء. بعدها الكونتاكتور، وبعدها مروحة الوحدة الخارجية، وبأقل الحالات الكمبروسر.
السبب الغالب: ضعف تدفّق الهوا من فلتر مسدود أو مروحة داخلية ضعيفة، أو نقص غاز. ما تشغّله وهو متجمّد — بيدخل سائل على الكمبروسر وبيتلفه. طفّيه، خلّي المروحة بس تشتغل لحد ما يذوب، واتصل.
السبب الغالب: بيرنغ مروحة الوحدة الخارجية استهلك، أو براغي الحامل ارتخت. الصوت المعدني المتقطّع من الوحدة الداخلية غالباً شي عالق بمروحة الكروس فلو.
السبب الغالب: عفن وبكتيريا على الملف الداخلي وبطشت التصريف — بيصير كتير بعمّان بنهاية الموسم. غسيل كيميائي للملف بيحل المشكلة، والتنظيف الدوري بيمنع رجوعها.
| الرمز | شو بيعني | شو تعمل |
|---|---|---|
| CH 01 | عطل بحساس حرارة الغرفة | فحص فني للحساس. |
| CH 02 | عطل بحساس ماسورة الوحدة الداخلية | فحص فني. |
| CH 05 | انقطاع الاتصال بين الوحدة الداخلية والخارجية | غالباً أسلاك التوصيل أو لوحة الوحدة الخارجية. |
| CH 04 | عطل بمضخة تصريف المي | على الموديلات اللي فيها مضخة. |
| CH 10 | مروحة الوحدة الداخلية مش شغّالة | الموتور أو اللوحة. |
| CH 21 / 22 | حماية تيار الكمبروسر | فحص فوري — ما تشغّله متكرّر. |
| الرمز | شو بيعني | شو تعمل |
|---|---|---|
| E1 01 / E101 | انقطاع الاتصال بين الوحدتين | أسلاك التوصيل أو اللوحة. |
| E1 54 | عطل بمروحة الوحدة الداخلية | الموتور أو اللوحة. |
| E4 22 | عطل بمروحة الوحدة الخارجية | الموتور أو المكثّف. |
| E4 64 | حماية تيار الكمبروسر | فحص فوري. |
| E2 01 / E5 xx | عطل بأحد الحسّاسات | تحديد الحساس بالفحص. |
في أشياء بسيطة بتحل المشكلة بدون ما تدفع زيارة. جرّبها — إذا زبطت بنكون وفّرنا عليك، وإذا ما زبطت بتكون عرفت إنه العطل حقيقي.
١٥ دينار تستحق عند وصول الفني وتشخيص العطل. الرسوم مقابل التشخيص نفسه — يعني حتى لو ما احتاج الجهاز أي شغل، تحديد المشكلة بحد ذاته خدمة.
خارج عمّان — الزرقاء ومادبا والسلط: رسوم الفحص ٢٥ ديناراً بسبب المسافة. أجور الشغل والقطع والضمان نفسها تماماً.
من ١٥ إلى ٥٠ دينار حسب الوقت والجهد وصعوبة العمل، أو إذا تطلّب الأمر نقل الجهاز لمركز الإصلاح وإرجاعه.
القطع اللي بنركّبها جديدة ومختارة بعناية لتطابق القطعة الأصلية، وبيختارها المهندس المسؤول. إمّا أصلية من الشركة المصنّعة، أو طبق الأصل من شركات أخرى مطابقة لها بالمواصفات.
الضمان لا يقل عن ٦ أشهر ولا يزيد عن سنة حسب نوع القطعة. الضمان ما بيغطي الأعطال الناتجة عن سوء الاستخدام.
كيت بوكس مش فني لحاله. الفريق عندنا فيه مهندس كهرباء ومهندس ميكانيك وفني تبريد ومساعدين، وهاد الشي بيفرق فعلياً: أعطال اللوحات الإلكترونية بتحتاج مهندس كهرباء، وأعطال الحلّة والرمان بلي بتحتاج مهندس ميكانيك، والتبريد له اختصاصه لحاله.
عشر سنوات بالسوق الأردني، وهاي مدة كافية نكون شفنا فيها كل الموديلات المنتشرة بعمّان ونعرف أعطالها المتكرّرة قبل ما نفتح الجهاز.
في الفريق مين بيتواصل بالإنجليزي، فإذا كنت مقيم أجنبي بعمّان أو بتشتغل مع طاقم غير عربي، ما في مشكلة بالتفاهم — لا بالحجز ولا وقت الزيارة.
بنستقبل حالات الطوارئ على مدار الساعة طوال أيام الأسبوع، بما فيها الجمعة. ورسوم الفحص هي نفسها — ١٥ ديناراً، ما في زيادة على الطوارئ ولا على الليل ولا على العطل.
وشو بيعتبر طارئ؟ إنت بتقرّر. ثلاجة مليانة أكل وقفت بالليل طارئ. تسريب مي من الغسالة طارئ. ريحة غاز طارئ فوري. وإذا بدك فني اليوم لأي سبب، اتصل وبنشوف شو بنقدر نعمل.
بيعتمد على بعد موقعك. أسرع وصول حقّقناه كان خلال ساعة من الطلب، وما تأخّرنا على أي عميل أكثر من ٤٨ ساعة أبداً لحد الآن.
بنصلّح الأجهزة المنزلية وين ما كانت — بالبيت، أو بالمؤسسات والمكاتب، أو بالمنشآت الصناعية اللي فيها أجهزة منزلية. مش شرط تكون شقة سكنية.
بنصلّح مكيفات كل الماركات، ومنعرف بالتفصيل أعطال مكيفات LG ومكيفات سامسونج ومكيفات دايو بما فيها وحدات الإنفرتر.
بنغطي جميع مناطق عمّان بخدمة منزلية. أكثر المناطق اللي بنخدمها:
لأ، مش طبيعي إطلاقاً. المكيّف نظام مغلق وما بيستهلك غاز. إذا بتحتاج تعبئة سنوية، معناها في تسريب. التعبئة المتكرّرة بدون إصلاح التسريب مصروف ضايع. إحنا منكشف التسريب أولاً.
مش بالضرورة، وغالباً لأ. أول شي بنفحصه هو الفلاتر والملف الخارجي، لأنه غبار عمّان بيقلّل الكفاءة بشكل كبير. تنظيف كويس أحياناً بيرجّع التبريد بدون أي تعبئة.
غالباً مجرى التصريف مسدود. التسليك إصلاح بسيط. أحياناً بيكون سبب التنقيط تجمّد الملف بسبب فلتر مسدود — فبنفحص السببين.
بعمّان، تنظيف الفلاتر كل شهر بموسم الصيف، وغسيل كامل للملفات مرّة بالسنة قبل بداية الموسم. هاد بيوفّر بالكهربا وبيطوّل عمر الجهاز.
شغلنا الأساسي صيانة وإصلاح الأجهزة. احكي معنا واحكيلنا شو بدك بالضبط وبنقلّك إذا بنقدر نخدمك.
قبل ما تدفع تعبئة غاز، خلّينا نفحص. كثير حالات بتنحل بتنظيف وبتكلّف أقل بكثير.
