زيارة بنفس اليوم داخل عمّان★ ٥٫٠ على جوجل — ١٩ تقييماً0780651640
ثلاجتك ما بتبرّد، أو الفريزر شغّال والثلاجة لأ، أو في مي بتتجمّع تحت الرفوف؟ معظم أعطال الثلاجات مالها علاقة بالكمبروسر إطلاقاً — بس هاد أول شي بيخطر ببال الناس. بنفحص الجهاز قدّامك وبنقلّك شو العطل الحقيقي قبل ما نبلّش.
أكثر عطل بيجينا بالثلاجات، وأكثر عطل بينفهم غلط. السبب الغالب: مروحة المبخّر (الفان) اللي بتنقل الهوا البارد من الفريزر للثلاجة وقفت عن الدوران. أو إنه المبخّر متجمّد بالكامل بثلج فالهوا ما بيمرق. الكمبروسر بهاي الحالة شغّال تمام — والدليل إنه الفريزر عم يبرّد.
طبقة ثلج بتكبر كل أسبوع لدرجة إنها بتسكّر الرفوف. السبب الغالب: عطل بمنظومة إذابة الثلج — سخّان الديفروست، أو ثيرموستات الديفروست، أو تايمر الإذابة. بعدها بيجي جوان الباب المتشقّق اللي بيسمح لهوا رطب يدخل باستمرار.
السبب الغالب: مجرى تصريف مي الإذابة مسدود. هاد المجرى بيوصل من خلف المبخّر لطشت فوق الكمبروسر، وبينسد بالوسخ أو بيتجمّد. تنظيفه إصلاح بسيط ورخيص، بس إذا انترك بيسبّب تعفّن وريحة.
السبب الغالب: جوان الباب مش مسكّر منيح فالبرودة عم تهرب. بعدها بيجي المكثّف (الردييتر ورا الثلاجة) المتّسخ بالغبار — وهاد شائع كتير بعمّان. وبعدها ثيرموستات أو حساس حرارة معطّل بيعطي قراءة غلط.
لا صوت كمبروسر ولا مراوح. السبب الغالب: مش الكمبروسر — غالباً ريلاي التشغيل أو الأوفرلود جنب الكمبروسر، وهاي قطعة صغيرة ورخيصة نسبياً. بعدها اللوحة الإلكترونية. تلف الكمبروسر نفسه أقل شيوعاً بكثير مما بيتصوّر الناس.
السبب الغالب: مروحة المكثّف اللي عليها غبار أو بيرنغها استهلك. الطقطقة المتكرّرة كل شوي معناها إنه الريلاي عم يحاول يشغّل الكمبروسر وبيفشل — وهاي حالة بدها فحص سريع قبل ما تتلف الكمبروسر فعلاً.
| الرمز | شو بيعني | شو تعمل |
|---|---|---|
| 1E / 5E | عطل بحساس حرارة الثلاجة | بحاجة فحص فني — الحساس بده تبديل. |
| 4E | عطل بحساس الفريزر | فحص فني. |
| 21E | مروحة الفريزر مش شغّالة | افصل الكهرباء نص ساعة. إذا رجع، المروحة بدها تبديل. |
| 22E | مروحة الثلاجة مش شغّالة | نفس الشي — غالباً المروحة أو الثلج المتراكم حواليها. |
| PC ER | خطأ اتصال بين اللوحات | فحص فني للوحة والأسلاك. |
| OF OF | وضع العرض (Demo Mode) — مش عطل | الثلاجة ما بتبرّد بهاد الوضع. اضغط مطوّل على Power Freeze + Fridge لمدة ٥ ثواني. |
| الرمز | شو بيعني | شو تعمل |
|---|---|---|
| dH / dHS | عطل بمنظومة إذابة الثلج | سخّان الديفروست أو الحساس بدهم فحص. |
| F dS / r dS | عطل بحساس الديفروست | فحص فني. |
| FF / rF | مروحة الفريزر أو الثلاجة مش شغّالة | افصل الكهرباء وذوّب الثلج، ثم راقب. إذا رجع، المروحة بدها تبديل. |
| CF | عطل بمروحة المكثّف | نظّف الغبار ورا الثلاجة أولاً. |
| E CO / IC | عطل بصانع الثلج | على الموديلات اللي فيها صانع ثلج فقط. |
في أشياء بسيطة بتحل المشكلة بدون ما تدفع زيارة. جرّبها — إذا زبطت بنكون وفّرنا عليك، وإذا ما زبطت بتكون عرفت إنه العطل حقيقي.
١٥ دينار تستحق عند وصول الفني وتشخيص العطل. الرسوم مقابل التشخيص نفسه — يعني حتى لو ما احتاج الجهاز أي شغل، تحديد المشكلة بحد ذاته خدمة.
خارج عمّان — الزرقاء ومادبا والسلط: رسوم الفحص ٢٥ ديناراً بسبب المسافة. أجور الشغل والقطع والضمان نفسها تماماً.
من ١٥ إلى ٥٠ دينار حسب الوقت والجهد وصعوبة العمل، أو إذا تطلّب الأمر نقل الجهاز لمركز الإصلاح وإرجاعه.
القطع اللي بنركّبها جديدة ومختارة بعناية لتطابق القطعة الأصلية، وبيختارها المهندس المسؤول. إمّا أصلية من الشركة المصنّعة، أو طبق الأصل من شركات أخرى مطابقة لها بالمواصفات.
الضمان لا يقل عن ٦ أشهر ولا يزيد عن سنة حسب نوع القطعة. الضمان ما بيغطي الأعطال الناتجة عن سوء الاستخدام.
كيت بوكس مش فني لحاله. الفريق عندنا فيه مهندس كهرباء ومهندس ميكانيك وفني تبريد ومساعدين، وهاد الشي بيفرق فعلياً: أعطال اللوحات الإلكترونية بتحتاج مهندس كهرباء، وأعطال الحلّة والرمان بلي بتحتاج مهندس ميكانيك، والتبريد له اختصاصه لحاله.
عشر سنوات بالسوق الأردني، وهاي مدة كافية نكون شفنا فيها كل الموديلات المنتشرة بعمّان ونعرف أعطالها المتكرّرة قبل ما نفتح الجهاز.
في الفريق مين بيتواصل بالإنجليزي، فإذا كنت مقيم أجنبي بعمّان أو بتشتغل مع طاقم غير عربي، ما في مشكلة بالتفاهم — لا بالحجز ولا وقت الزيارة.
بنستقبل حالات الطوارئ على مدار الساعة طوال أيام الأسبوع، بما فيها الجمعة. ورسوم الفحص هي نفسها — ١٥ ديناراً، ما في زيادة على الطوارئ ولا على الليل ولا على العطل.
وشو بيعتبر طارئ؟ إنت بتقرّر. ثلاجة مليانة أكل وقفت بالليل طارئ. تسريب مي من الغسالة طارئ. ريحة غاز طارئ فوري. وإذا بدك فني اليوم لأي سبب، اتصل وبنشوف شو بنقدر نعمل.
بيعتمد على بعد موقعك. أسرع وصول حقّقناه كان خلال ساعة من الطلب، وما تأخّرنا على أي عميل أكثر من ٤٨ ساعة أبداً لحد الآن.
بنصلّح الأجهزة المنزلية وين ما كانت — بالبيت، أو بالمؤسسات والمكاتب، أو بالمنشآت الصناعية اللي فيها أجهزة منزلية. مش شرط تكون شقة سكنية.
بنصلّح ثلاجات كل الماركات، وعنّا صفحات مخصّصة لأعطال ثلاجات LG بكمبروسر الإنفرتر وثلاجات سامسونج وثلاجات دايو — رموز الأخطاء والقطع الشائعة لكل ماركة.
بنغطي جميع مناطق عمّان بخدمة منزلية. أكثر المناطق اللي بنخدمها:
غالباً لأ. أكثر أسباب ضعف التبريد هي مروحة المبخّر، أو تراكم ثلج على المبخّر، أو مكثّف متّسخ، أو ريلاي تشغيل. تلف الكمبروسر نفسه أقل شيوعاً بكثير، وإحنا بنفحص كل الاحتمالات الأرخص قبل ما نحكي عن كمبروسر.
لأنه الهوا البارد بيتولّد بالفريزر وبينتقل للثلاجة عن طريق مروحة. إذا وقفت المروحة أو تجمّد المبخّر، الفريزر بيضل يبرّد بس الثلاجة ما بيوصلها هوا. هاد أشهر عطل بالثلاجات وعادةً إصلاحه بسيط.
معظم الأعطال بنخلّصها بنفس الزيارة. الحالات اللي بتحتاج تفريغ غاز وشحن أو تبديل كمبروسر بتحتاج نقل للورشة، وبنخبرك بهاد قبل ما نبلّش.
غالباً مجرى تصريف مي الإذابة مسدود، فالمي بتضل واقفة وبتتعفّن. تسليك المجرى بيحل المشكلة، وهو إصلاح بسيط.
نعم. تخصّصنا الأقوى في LG وسامسونج ودايوو، بس بنتعامل مع كل الماركات والموديلات.
احكيلنا: الفريزر شغّال ولا لأ؟ في صوت كمبروسر؟ في ثلج متراكم؟ هالمعلومات بتوفّر وقت الفحص.
